Mga thank you email

Ang mga subject line ay mahalaga dahil madalas nitong naiimpluwensiyahan ang recipient kung bubuksan nila ang email message. Napag-alaman mula sa report ng Retention Science na ang mga subject line na may 6 hanggang 10 salita ang may pinakamataas na open rate. Habang pinapanatili ang tamang haba, siguraduhing ang subject ay agaw-pansin at malikhain imbes na simpleng “Salamat” lang.

Ang tamang pagbati ang nagse-set ng tono ng buong message. Kung kilala ninyo ang recipient, puwede ninyong simulan sa “Hi …” o “Dear …”. Kung ang mensahe ay impormal, banggitin ang pangalan ng recipient. Kung hindi naman, gamitin ang “Mr.” o “Ms.” kasunod ang apelyido nila.

Maging direkta at tiyak tungkol sa ipinagpapasalamat ninyo sa kanila. Ang mensahe ay tungkol lang dapat sa pagpapahalaga sa customer. Iwasang ibenta ang negosyo, maliban na lang kung magbibigay kayo ng educational content, special offer, o iba pang mahalagang bagay.

MGawing personal ang mensahe. Subukang i-address ang email mula sa isang totoong tao mula sa kompanya ninyo imbes sa generic at pangkaraniwan na “No reply” address. Ang isa pang paraan para ma-humanize ang mensahe ay ang paggamit ng emoji, kung nararapat.

Ang personalized emails ay may mas mataas na engagement rates. Sa katunayan, ipinakita ng mga pag-aaral na ang mga email na may personalized subject lines ay may 26% na mas mataas na posibilidad na mabuksan kaysa sa mga walang personalized subject lines. Puwede ninyong i-personalize ang mensahe sa pamamagitan ng pagsali ng marami pang specifics na ipinagpapasalamat ninyo.

Depende sa audience ninyo, habang puwedeng katanggap-tanggap na magsulat nang medyo impormal at may humor, mahalagang mapanatili ang kabuuang propesyonal na tono, ibig sabihin walang slang at salitang kalye.

Iwasan maging one-sided sa pamamagitan ng pagbibigay sa mga customer ng pagkakataong ipagpatuloy ang pag-uusap at ipagbigay-alam sa kanilang handa kayong tumulong sa ilang clicks lang:

“If you have any questions about using our product/ service in the future, please don’t hesitate to contact me via live chat or email.”

Pagkatapos ninyong mabuo ng pangunahing mensahe, puwedeng tapusin ito gamit ang isa pang pasasalamat:

“Thanks again for your feedback/for your support/for the purchase/for being a loyal customer for years.”

Kapag pipili ng tamang pagtatapos, ang antas ng pormalidad ay depende sa recipient. Ang ilan sa mga karaniwang business-appropriate na pagtatapos ay: “Lubos na gumagalang…”, “Taos-pusong nagpapaalam…”, “Sumasainyo …”, “Regards/Best regards …”, “Nagpapasalamat”, “Magandang araw sa inyo…”.

Bago i-click ang “Send,” i-proofread ang buong mensahe para masiguradong tama ang daloy nito, naipapahiwatig ang pagpapahalaga at pasasalamat ninyo, at walang typo o nakakahiyang pagkakamali sa grammar na makasisira sa impression sa inyo.