VoIP call blocking

Sa kasamaang-palad, palaging may mga pampagulong tawag. At dahil nakaaapekto sila sa inyong workflow at nakababawas ng productivity, ang pinakamabisang paraan para bawasan ito ay ang i-block sila. Applicable ito sa mga regular na istorbong tawag. Sakaling makatanggap kayo ng mga tawag na may kasamang pagbabanta o pangha-harass, dapat ninyong i-report ito sa kinauukulan.

Ano ang mga dahilan para mag-block ng VoIP calls?

Maraming dahilan para mag-block ng VoIP calls. Kung kayo man ay napapaisip kung dapat ninyong i-block ang partikular na caller o hindi, makatutulong sa paggawa ng tamang desisyong ang pag-alam sa mga tamang dahilan para i-block ang tawag. Kinokonsidera ng maraming tao ang ganitong uri ng tawag bilang istorbong tawag. Ang ganitong nuisance calls ay tinatawag ding unwanted calls at unsolicited calls.

Gayunman, sinasakop ng malawak na kategoryang ito ang iba’t ibang uri ng mga tawag. Umpisahan natin sa mga ilegal na tawag, halimbawa. Mula ito sa mga ilegal na call center. Hindi lang kinukuha ng mga tawag na ito ang malaking bahagi ng inyong productivity pero puwede ring maloko kayo ng isang scam. Puwedeng mahawa ng mga virus ang inyong mga computer, at baka mag-leak ang sensitibo ninyong business data.

Hindi gaanong nakapipinsala pero ubos-oras ang mga telemarketing call. Ang pag-block sa mga VoIP call na ito ay makatutulong sa pagpapatakbo ninyo ng isang productive na operation. Puwede rin ninyong gawin ito sa mga spam caller na nakakainis at makulit.

Paano mag-block ng unwanted calls sa VoIP

Kapag gumagamit kayo ng VoIP, may kumpletong kontrol kayo sa mga incoming na VoIP call. Dahil may ino-offer na kakaibang mga serbisyo ang bawat VoIP provider, imposibleng makapagbigay sa inyo ng step-by-step guide. Ang susunod na pinakamabuting gawin ay magbigay sa inyo ng general information.

Scam calls man o anonymous call ang gusto ninyong i-block, pareho lang ang proseso. Maraming iba-ibang call-blocking service ang makikita ninyo. Ang mga serbisyong ito ay makatutulong sa inyong i-automate ang pag-block sa mga unwanted call. Dadaanan ng automated script ang listahan ng lahat ng kilalang numbers na ginagamit sa mga unwanted call, kasama ang scams at telemarketing.

Ang script ay isang walang kahirap-hirap na paraan para makapag-block ng VoIP calls. Gumagana ito nang real-time at depende sa ginagamit ninyong serbisyo, puwede kayong pumili kung iba-block ninyo sila nang buong-buo o magpapadala sa kanila ng voicemail.

Puwede rin kayong mag-block ng unwanted calls nang manual. Nagkakaiba-iba ang proseso sa bawat provider pero sa pangkalahatan, iisang method ang sinusundan nito. Kailangan ninyong i-save ang number na gusto ninyong i-block mula sa “Received Calls” list sa inyong phone directory.

Kapag natapos na ninyong gawin iyon, i-acces ang inyong phone directory at i-delete ang “First Name” at “Last Name” entries para phone number lang ang maiiwan. Hanapin ang reject option at i-enable ito para sa contact. I-save ang inyong phone directory, at mula sa puntong iyon, hindi na magri-ring ang inyong phone kapag may tumawag gamit ang number na iyon.

Paano mag-set up ng app para mag-filter at mag-detect ng spam calls

Ang pag-block ng VoIP call ay hindi naman kailangang maging nakatatakot na gawain. Gamit ang tamang uri ng tool at kung gugustuhin ninyo, puwede ninyong patahimikin ang unknown callers tulad ng third-party analytics companies na patuloy na sinusubukang makakuha ng mas maraming data.

Kapag pumipili ng app, kailangang makita kung meron itong feature para mag-filter at mag-detect ng spam calls. Praktikal ang ganitong apps at gumagana ang mga ito nang auto-pilot. Halimbawa, puwedeng awtomatikong i-block ng app ang mga unwanted caller sa pamamagitan ng pagtingin sa blacklist ng lahat ng kilalang scammers.

Sa anumang kaso, kung may auto-reject list option at pinagana ninyo ito, bahala na ang app dito at babawasan na ang problemang maabala kayo ng unwanted call.

May option kayong mag-set up ng filters nang manual. Kapag ginamit ninyo ang filter, laging titingnan ng app ang caller ID na idadaan sa filter. Kapag tumugma ang caller ID na nasa filter, hindi makapapasok ang tawag. Para sa ibang callers, walang nagbago – makatatanggap pa rin kayo ng tawag mula sa kanila nang walang isyu.

Parami nang parami ang apps na may ganitong functionality dahil dumarami ang bilang ng telemarketers at umaabuso sa bulk calls. Sa paggamit ng block filters at automatic blocking, makakatipid kayo ng maraming oras at makapagtatrabaho nang tuloy-tuloy.

Paano ihihinto ang pag-block ng VoIP calls

Kung may ilang VoIP calls kayong na-block noon at ngayon ay gusto ninyong tanggapin silang muli, may paraan para i-unblock sila. Pareho rin ng gagawin sa mga di inaasahang sitwasyon kung saan aksidente kayong may na-block. May kailangan kayong tingnang dalawang bagay para makatiyak na napahinto na ninyong ang pagba-block ng VoIP calls.

Una, tingnan ang phone ninyo. Pumunta sa inyong phone directory at puntahan ang entries na walang First Name at Last Name. Tingnan kung naka-enable ang reject o block option. I-disable ito, at makatatanggap na ulit kayo ng tawag mula sa mga number na ito.

Kung gumagamit kayo ng app, kailangan rin ninyong tingnan ito. May dalawang bagay na dapat tingnan sa app. Una, kailangan ninyong tingnan kung may ginawa kayong kahit na anong filters. Kung may filters para mag-block ng VoIP calls, siguraduhing i-disable o i-delete ang mga ito. Pangalawa, tingnan kung pinagana ninyo ang auto-rejecting option at patayin ito. Kung nagawa na ninyo ang lahat ng nasa itaas, hindi na maba-block ang VoIP calls.