Mga newsletter email template

Maraming tinaguriang experts ang matagal nang nagsasabing pawala na raw ang email marketing nitong nakaraang mga taon. Pero ang channel na ito, isang integral na bahagi ng marketing matrix, ay nananatiling matatag.

Ang email newsletter, na isang uri ng email messaging, ay hindi mawawala agad-agad. Sa katunayan, mas lumalaki pa lalo ang halaga nila sa digital strategies ng maraming kompanya. Dahil dito, nananatiling mahalagang communication tool ang newsletter hangga’t nagagamit ito nang rasonable at malinaw ang pakay.

Ano ang newsletter email?

Ang newsletter ay isang digital publication na ipinamamahagi sa regular na panahon (daily, weekly, monthly, bimonthly, o quarterly) sa email. Ang nilalaman kadalasan ng isang newsletter ay mga article tungkol sa isang brand, kompanya, o sector kung saan ito ipinapaikot, na may kasama pang offer o CTA (call to action).

Kadalasan, ang mga taong nakatatanggap nito ay mga subscriber na nagpakita ng interes dati sa isang business at mga produkto o serbisyo nito, at pumayag makatanggap ng ganitong newsletter. Kritikal ito, dahil dapat nagpapadala lang kayo ng email updates sa mga taong pumayag na makakuha nito.

Kailangan ding ikonsidera ng mga business ang mga partikular na legal regulations sa iba-ibang lugar sa mundo, tulad ng GDPR sa Europe, bago magpadala ng email communications. Sakop ng ganitong regulations ang anumang organisasyong may operations sa isang partikular na rehiyon, pati mga organisasyon sa labas ng rehiyon na may offer na goods o serbisyo sa mga customer o business na nasa rehiyong iyon.

Huwag kalilimutang maglagay lagi ng unsubscribe button o link sa newsletter, dapat nasa ibaba ng email template. Ang recipients ng inyong email newsletters ay dapat laging mabigyan ng posibilidad na mag-opt-out sa pagtanggap ng inyong emails.

91% ng consumers ang nagche-check ng email sa smartphones nang isang beses kada araw (source), kaya huwag kalilimutang gumawa ng responsive at mobile-friendly na newsletters!

Bakit kailangang magsama ng newsletter email sa inyong marketing strategy?

Ang registered user na pumayag makatanggap ng email communication mula sa kompanya ninyo ay napakalaki ng halaga. Kung may listahan kayo ng active subscribers, napakaraming dahilan kung bakit may benepisyo ang pagpapadala ng newsletters:

• mas mahaba ang life cycle ng email kaysa sa content na naka-post sa social media.
• 91% ng consumers ang nagche-check ng email sa smartphones nang isang beses kada araw (source), kaya huwag kalilimutang gumawa ng responsive at mobile-friendly na newsletters!
• 89% ng marketers ang kinokonsidera ang email bilang primary channel ng lead generation (source).
• 80% ng consumers ang mas gusto ang email bilang marketing communication channel (source).
• Ang email marketing ay mas mataas ang ROI (4,300%) kaysa sa ibang digital communication channels (source).
• Mas mura itong marketing channel kumpara sa PPC at di pa kailangan ng anumang upfront financial investment.
• Ang audience na nakatatanggap ng email newsletters mula sa inyo ay pumayag nang makakuha ng inyong content, kaya interesado na silang makinig sa inyo.
• Mas mabilis itong mag-deliver ng resulta kaysa sa SEO. 
• Mas marami itong nadadalang traffic sa inyong website.

Maraming pakinabang sa pagpapadala ng newsletters. Pero ingatan ang pag-execute ng ganitong communication strategy. Laging isipin muna ang kapakanan ng user, at siguraduhing dine-deliver ninyo ang value sa anumang ipinapadala sa kanila.

3 ideya para sa newsletter email template

Tingnan naman natin ang ilang kapaki-pakinabang na newsletter email templates.

Newsletter templates para magpadala ng offers

Ang isang taon ay maraming espesyal na okasyon at holiday na puwede sa dedicated promotions, at maghihintay tiyak ang mga customer ninyo kung ano ang inihanda ninyo para sa kanila. Winter o summer sales at commercial dates tulad ng Black Friday, Cyber Monday, Christmas, Eid al-Fitr, Eid al-Adha, at Epiphany (sa Spain) ay ilan lang halimbawa ng mga araw na puwede ninyong pakinabangan para madagdagan ang conversions.

Tingnan ang ilan sa aming newsletter email templates na magagamit ninyo sa susunod ninyong campaign. Huwag kalimutang maglagay ng magagandang visuals ng mga item na pino-promote ninyo.

Newsletter email template para sa iba’t ibang industriya

Kailangan ba ninyo ng email newsletter template para sa industriya ninyo?

Gamitin ang template sa ibaba para ipadala sa inyong customers anuman ang industriya — tourism, automotive industry, services, catering, o real estate sector.

Email newsletter template para magpadala ng informative messages

Gagana nang husto ang template sa ibaba kung kailangan ninyong magpadala ng malinaw at direktang message sa newsletter subscribers. 

So, kailan ninyo puwedeng gamitin ang ganitong email newsletter template? Tuwing may ipapaalam kayong paparating na event, na may nalalapit kayong launch ng bagong produkto/serbisyo, o ipapaalam ninyo ang tungkol sa bagong feature. At muli, tulad ng nasabi na, huwag kalilimutan ang visuals!

14 halimbawa ng newsletter email subject line

• [kompanya]: [Pangalan ng subscriber], subukan ang bago naming treat 
• Huwag kalimutang kunin ang inyong [halaga ng discount]% off!
• Mga bagong balita mula sa [kompanya] para lang sa iyo, [Pangalan]
• [Pangalan ng subscriber], silipin ang mga piling-piling looks mula sa [kompanya]
• [Pangalan ng subscriber], Huling pagkakataon mo nang makapag-ipon nang malaki ngayong [Pangalan ng holiday/season]
• [Kompanya]: [Ngayon/ngayong gabi/ngayong linggo/ngayong buwan] lang. Makakuha ng [halaga ng discount] discount sa susunod mong order
• Kunin ang libre mong [produkto/o serbisyo] sa simpleng pagbasa ng email na ito
• Naiisip mo ba kung paano [isang area of expertise] gumagana sa [isang Fortune 500 na kompanya/anumang listahan ng matagumpay/kilalang mga kompanya]?
• Isa ka bang [pangalan ng isang profession] na gustong [gustong kalabasan]
• Ang kinakailangang malaman ng bawat [pangalan ng isang profession] tungkol sa [partikular na kaalaman]
• Para sa [pangalan ng activity] enthusiast: 8 [pangalan ng industriya] Tips para sa [isang activity]
• Para sa digital marketer: Paano naglalabas ang [pangalan ng kompanya] ng [impressive na resulta ng business]
• Para sa [pangalan ng isang profession] na ayaw ng [pain point]
• Sikretong mensahe para sa mga gumagamit ng [isang produkto]

FAQ: Newsletter email template

Gaano kadalas dapat magpadala ng newsletter?

Dapat regular na pinapadala ang newsletters para di kayo nakakalimutan ng inyong subscribers. Pero ang madalas namang pagpapadala ng newsletters ay magdudulot ng pakiramdam ng pag-spam o istorbo sa readers. 

Karaniwan na ang pagpapadala ng newsletters nang monthly o bi-weekly, pero anuman sa gitna ng dalawang linggo at dalawang buwan ay rasonable na. Maging consistent lang – huwag magpadala ng dalawang newsletter sa loob ng tatlong linggo tapos hindi magpaparamdam ng dalawang buwan.

Paano masusukat ang tagumpay ng newsletter?

Ang kapaki-pakinabang na metrics sa pagsukat ng epekto ng newsletter ay ang porsiyento ng delivery rates, open rates, click-through rates, at bounce rates. Lahat ng maaasahang marketing agencies o email marketing tools ang magbibigay ng ganitong statistics.

• Ang delivery rate ay ang ratio ng emails na hindi nag-bounce sa bilang ng pinadalang emails.
• Ang open rate ay ang ratio ng subscribers na nagbukas ng newsletter sa bilang ng pinadalang emails.
• Ang click-through rate ay ang ratio ng taong nag-click ng links sa loob ng email sa bilang ng pinadalang emails.
• Ang bounce rate ay ang ratio ng email addresses sa newsletter list na hindi nakakuha ng message dahil sinoli ito ng kanilang mail servers sa bilang email addresses sa listahan ninyo.

Madalas, ang nais ninyong mahagip ay:

• Mga 95% o mas mataas na delivery rate
• Mga 30% na open rate
• Mas marami sa 10% na click-through rates
• Mas konti sa 2% na bounce rate

Pero maaaring magkakaiba ang rates at benchmarks na ito sa iba’t ibang industriya. Ang pinaka-importanteng elements na mag-iimpluwensiya sa mga resultang ito ay ang data quality ng campaign at ang halaga ng content. 

Gaano kahaba dapat ang isang newsletter?

Maikli lang dapat at madaling ma-skim ang content, na nakahalad sa maliliit na bahagi. Ilang segundo lang kasi ang ginugugol ng consumers sa pag-skim ng emails, na hanap lang ay ilang keywords at topics. Kung may makatawag-pansin sa kanila, saka nila babagalan ang basa at mas tututok na sa mensahe. Magsimula sa pagsusulat ng inyong email, pagkatapos ay mag-edit hanggang makuha ninyo ang mga piling susing impormasyon sa maikling pananalita dapat.

{ “@context”: “https://schema.org”, “@type”: “FAQPage”, “mainEntity”: [{ “@type”: “Question”, “name”: “Gaano kadalas dapat magpadala ng newsletter?”, “acceptedAnswer”: { “@type”: “Answer”, “text”: “Dapat regular na pinapadala ang newsletters, at karaniwan na ang monthly o bi-weekly. Pero anuman sa gitna ng dalawang linggo at dalawang buwan ay rasonable na.” } }, { “@type”: “Question”, “name”: “Paano masusukat ang tagumpay ng newsletter?”, “acceptedAnswer”: { “@type”: “Answer”, “text”: “Ang kapaki-pakinabang na metrics sa pagsukat ng epekto ng newsletter ay ang porsiyento ng delivery rates, open rates, click-through rates, at bounce rates. Lahat ng maaasahang marketing agencies o email marketing tools ang magbibigay ng ganitong statistics.” } }, { “@type”: “Question”, “name”: “Gaano kahaba dapat ang isang newsletter?”, “acceptedAnswer”: { “@type”: “Answer”, “text”: “Ilang segundo lang ang ginugugol ng consumers sa pag-skim ng emails, na hanap lang ay ilang keywords at topics, kaya maikli lang dapat at madaling ma-skim ang content, na nakahalad sa maliliit na bahagi.” } }] }