Mga product launch template

Matapos gumugol ng ilang buwan sa pagde-develop ng produkto/serbisyo, ang natural na hakbang kasunod ay ang i-launch ito sa mundo; email marketing ang magandang channel para ipakalat ang balita tungkol sa bago ninyong produkto. Pero kung mamadaliin lang ninyo ang launch, makasasama lang ito sa produkto at sa business ninyo. Ang dapat gawin ay magplano ng product launch nang maayos– piliin ang tamang channels ng pagpapadala ng balita, pakinabangan ang pinakamahusay na product launch email templates, gawing attractive at engaging ang message, at iba pa. Pero bago tayo tumutok sa product launch email templates at best practices, simulan natin sa  basics.

Ano ang product launch email at bakit ito importante?

Ang isang product launch announcement ay isang series ng activities na ang layunin ay mag-promote at i-publicize ang isang bagong produkto o serbisyo.

Gumagamit ang mga business ng email para magkaroon ng anticipation at enthusiasm bago mag-launch ang kanilang produkto. Nakatutulong ito sa pag-attract ng atensiyon at sa paglaon ay makadaragdag sa sales kapag nailabas na ang produkto.

Pero ano ba ang product launch email? Ang promotional product launch email ay isang klase ng email na ginagamit ng mga kompanya sa pag-promote ng kanilang produkto, serbisyo, offers, at campaigns. Importanteng bahagi ito ng kabuuang proseso ng pagbabalita dahil ina-address nito nang diretso ang inyong target audience.

Di tulad ng transactional emails na ipinapaalam sa customers ang tungkol sa kanilang order o account information, layunin ng promotional emails na mag-convert ng subscribers para maging customers o para mag-upsell o cross-sell. Ang product launch emails ay kinakategorya rin bilang promotional emails.

Kapag mahusay ang pagkakasulat ng promotional emails, mas madali nitong makukumbinsi ang mga potensiyal na customers na bumili sa inyo.

Ang pagsusulat ng highly-converting promotional emails ang susi sa pagpapalaki ng pagpansin sa produkto at pagtaas ng sales.  Tingnan natin kung paano ninyo ito magagawa, paisa-isang klase ng promotional email muna – simula sa product launch email.

5 ideya para sa product launch template

Libo-libo na ang halimbawang meron ng product launch emails. Matapos ang isang Google search, marami na kayong makikitang template at description ng matagumpay na campaign. Para mas madalian kayo, pinili na namin ang 5 product launch email templates na sa tingin namin ay sobrang bukod-tangi.

Template sa pag-announce ng software release

---

Template sa pag-announce ng bagong feature release

---

Template sa bagong pisikal na product launch

---

Email sa launch ng produkto o serbisyo – maikling template

---

Email template ng conversational product launch 

Tandaan na laging i-personalize ang mga email at magsulat ng nasa puntong copy na sumasagot sa sumusunod na mga tanong:

• Ano ang ilalabas na produkto? 
• Paano ito gumagana? (sa simpleng salita)
• Bakit ito kailangan ng audience ninyo [ngayon!]?
• Paano nila ito makukuha?

7 tawag-pansing email subject line

Ang nilalaman ng email ninyo ay importante, pero walang magbabasa nito kung di kayo gagamit ng super-husay na subject line! Tandaan – dapat sobrang tawag-pansin ito. May ilang halimbawa kami para sa inyo.

• Meron ba kayong [problema]? Kami ang bahala sa inyo! [Produkto]
• Sa wakas, narito na! Kilalanin ang [Product]: Makukuha na ninyo ang [benepisyo]
• Bagong [produkto o serbisyo] mula sa [kompanya]: Ang solusyon sa inyong [problema]
• Mag-hello sa [Produkto]! Ngayon [benepisyo] ay abot-kamay na ninyo
• Pagod na sa [problema]? Huwag nang mag-alala! Narito na ang [produkto] para tulungan kayo!
• Available Na: [produkto], ang Solusyon sa [problema]
• Ang [produkto] ay live na. Basahin ang email na ito para malaman kung paano mo ito makukuha.
• May problema ba sa [problema]? Nasubukan mo na ba ang [Produkto]? Absolute news sa market

Mga product launch email – tips at best practices na susundan

Plan, plan, plan!

Gaano kayo kadalas magplanong magpapadala ng emails sa subscribers, at ano ang lalamanin nito? Ang unang hakbang sa paggawa ng matagumpay na email campaigns ay ang pag-develop ng strategy, pag-research ng inyong audience, at pag-schedule ng emails sa inyong editorial calendar.

Tutukan kung ano ang nami-miss nila

Ginawa ang produkto ninyo para tugunan ang isang partikular na problema ng mga tao. Anuman ito, ito na ang pagkakataong papag-isipin ang audience ninyo sa problemang ito at kung paano ito maaalis ng inyong produkto. Kaya importanteng tutukan ang halaga ng produkto ninyo sa bawat email.

Tukuyin ang malinaw at consistent na call to action (CTA)

Isipin kung anong uri ng action ang gusto ninyong gawin ng subscribers matapos nilang basahin ang email. Magsu-subscribe ba sila sa hiwalay na listahan para sa exclusive product updates/announcements? Dapat ba nilang ipagbigay-alam ang balita sa kanilang social networks? May option ba sila sa pre-purchase ng produkto? Maraming tanong na puwede ninyong isaalang-alang sa CTA, pero tumutok sa isa lang para hindi nakalilito.

Isunod ang email marketing ayon sa kabuuan ng inyong promotional plan

Kung plano ninyong i-promote ang bagong produkto o serbisyo sa maraming channels, siguraduhing ang message ay pare-pareho. Ibig sabihin, dapat may sinusunod ang copy na pare-parehong writing style, ang mga imahe ay cohesive, at dapat mauudyok ng CTA ang mga taong gumawa ng isang partikular na action.

Kailan dapat pinapadala ang product launch email?

Tulad ng nasabi na, ang paglalabas ng isang bagong produkto sa mundo ay sobrang exciting na panahon. Matapos gumugol ng oras, linggo, at kahit buwan sa paggawa ng bagay na mamahalin ng audience ninyo, dapat ninyong ipagmalaki ang kanyang paglabas.

Hindi masyadong maaga para pag-isipan kung paano ninyo ipo-promote ang produkto at kung kelan ninyo balak gawin ito. Di muna namin idedetalye, kaya magpokus muna tayo sa basics.

Dapat ipadala ang inyong product launch email kapag ang produkto o serbisyo ay handa nang magamit o puwede nang mabili sa online o sa mga tindahan. Inaabisuhan namin kayong magpadala muna ng parang sneak peek announcement email bago ang launch para ipaalam sa audience ninyo na malapit nang ilabas ang produkto. Pero tandaan na ang product launch email ay dapat ipadala lang kapag ang ino-offer ninyo ay puwede nang mabili.

Frequently asked questions- Mga product launch email template

Gaano dapat kalaki ang aming email database?

Iba-iba ito para sa bawat business. Kung ang tinda ninyo ay mass B2C products na available para sa maraming klase ng customers (tulad ng mobile phone, scarf, o economical car), dapat malaki ang database ninyo na may libo-libong contacts. Pero kung ang offer ninyo ay highly-specified B2B shipping management software, mas maliit dapat ang database ninyo. Ang pinaka-importanteng bagay ay i-segment ang database ayon sa iba’t ibang uri ng buyer persona.

Ano ang tamang haba ng isang product launch email?

Bilang gabay, ang promotional email ay dapat maikli lang at diretsahan. Naipalalabas dapat ng email ang message gamit ang kakaunting salitang posible. Di kayo nagsusulat ng detalyadong product manual o naglilista ng available features. Ang layunin ay ipresenta ang benepisyo ng bagong labas na produkto o serbisyo at mahikayat ang reader na i-click ang CTA button na nasa product launch email. 

Dapat bang gumamit ng plain text email o email na HTML?

Ang pinagkaiba ng plain text email at HTML email ay ang formatting. Ang  plain text email ay naglalaman lang ng text na walang formatting options. Puwede ring mag-embed ng simpleng visuals o gifs sa email copy. Ang HTML email naman ay naglalaman ng mga imahe, kulay, at ibang text formatting options. Ang pagpili kung aling email ang mas okey sa inyong kompanya ay depende sa inyong email marketing strategy, branding, style guide, at iba pang factors. Mukhang rasonable namang gumamit ng email na may HTML code, lalo na sa mga B2C products, dahil ito ang nakapagbibigay sa inyo ng mas maraming option sa mas visual na presentation ng produkto ninyo. Pero 62% ng marketers ang nagsasabing ang ipinapadala nila ay hybrid na HTML at plain text emails sa kanilang subscribers.

{ “@context”: “https://schema.org”, “@type”: “FAQPage”, “mainEntity”: [{ “@type”: “Question”, “name”: “Gaano dapat kalaki ang aming email database?”, “acceptedAnswer”: { “@type”: “Answer”, “text”: “Iba-iba ito para sa bawat business. Kung ang tinda ninyo ay mass B2C products na available para sa maraming klase ng customers (tulad ng mobile phone, scarf, o economical car), dapat malaki ang database ninyo na may libo-libong contacts. Pero kung ang offer ninyo ay highly-specified B2B shipping management software, mas maliit dapat ang database ninyo. Ang pinaka-importanteng bagay ay i-segment ang database ayon sa iba’t ibang uri ng buyer persona.” } }, { “@type”: “Question”, “name”: “Ano ang tamang haba ng isang product launch email?”, “acceptedAnswer”: { “@type”: “Answer”, “text”: “Bilang gabay, ang promotional email ay dapat maikli lang at diretsahan. Ang layunin ay ipresenta ang benepisyo ng bagong labas na produkto/serbisyo at mahikayat ang reader na i-click ang CTA button na nasa product launch email. ” } }, { “@type”: “Question”, “name”: “Dapat bang gumamit ng plain text email o email na HTML?”, “acceptedAnswer”: { “@type”: “Answer”, “text”: “Ang pagpili kung aling email ang mas okey sa inyong kompanya ay depende sa inyong email marketing strategy. Ikonsiderang gumamit ng email na may HTML code, lalo na sa mga B2C products, dahil ito ang nakapagbibigay sa inyo ng mas maraming option sa mas visual na presentation ng produkto ninyo.” } }] }